Gjaldeyrisjöfnuður er nýjung á Íslandi fyrir fjárstýringu banka og fyrirtækja. Um er að ræða lítið greiningakerfi sem birtir yfirlit yfir allar eignir og skuldir í erlendri mynt sem og heildar greiðsluflæði (e. cash flow) fyrirtækisins. Kerfið hentar fyrir fjárstýringar, fjármálastjóra, fjármáladeildir og þá sem sinna áhættustýringu banka og fyrirtækja. Kerfið hefur slegið í gegn og mikill áhugi er meðal aðila á markaðinum.
Helstu kostir kerfisins eru m.a
- Öll gögn á einum stað
- Gagnsæi og rekjanleiki ganga í viðmóti
- Einsleit gögn – búið er að tryggja að gögn
úr mörgum og mismunandi kerfum verði
einsleit og auðvelt sé að vinna með þau
- Auðvelt er að sækja gögn og birta á þann
hátt sem óskað er eftir
- Auðvelt er að bæta við tengingum við ný
kerfi
- Viðskiptavinur getur sjálfur stýrt því hvernig
tegundir hreyfinga eru flokkaðar inn í
gjaldeyrisjöfnuð
Af hverju Gjaldeyrisjöfnuður fyrir fjárstýringu
Með því að sjá á einum stað stöðu eigna og skulda í hverri mynt fyrir sig, ná fyrirtæki að lágmarka tap vegna gengisbreytinga. Þá geta fjárstýringar betur áttað sig á fjármögnun sinni með því að sjá greiðsluflæðið fram í tímann.
Gjaldeyrisjöfnuðurinn er einföld lausn sem byggir á því að gögn hafa verið samræmd og sett á einn stað. Viðmótið er mjög notendavænt og einfalt sem gerir starfsfólki kleift að átta sig strax á þeim breytingum sem hafa átt sér stað. Við þróun og prófanir á lausninni naut Teris liðsinnis starfsfólks viðskiptavina sinna og hefur það skilað sér í mikilli ánægju þeirra sem nota lausnina enda er hún hönnuð með þeirra þarfir í huga.
Af hverju Gjaldeyrisjöfnuður fyrir fyrirtæki
Við höfum fundið fyrir því að Gjaldeyrisjöfnuður er ekki síður fyrir fyrirtæki en fjármálafyrirtæki, banka og sparisjóði. Eigna og skuldasamsetning fyrirtækja í erlendum myntum getur verið mismunandi og ef röng mynd er á jöfnuðinum þarna á milli getur stórfé tapast ef áhættustýring er ekki skilvirk, gagnsæ og einsleit.
Mikill áhugi hefur myndast fyrir þessari lausn hjá fjármálafyrirtækjum og öðrum fyrirtækjum.
Ef þú hefur áhuga á að vita meira um Gjaldeyrisjöfnuðinn eða þá þjónustu sem er í boði, sláðu þá á þráðinn í síma 563-3300 eða sendu okkur línu á netfangið teris[at]teris.is