Forveri Teris, Tölvumiðstöð sparisjóðanna, var stofnuð í mars 1989. Stofnendur voru sex af stærstu sparisjóðum landsins og Lánastofnun sparisjóðanna, sem nú heitir Sparisjóðabanki Íslands. Fljótlega gengu aðrir sparisjóðir inn í samstarfið.

Í upphafi þjónaði Tölvumiðstöðin eingöngu hlutverki tölvudeildar sparisjóðanna. Smám saman fjölgaði eigendum, fleiri fjármálafyrirtæki bættust í hópinn og fyrirtækið stækkaði
Árið 2002 var fyrirtækinu mörkuð ný stefna þar sem ákveðið var að bjóða lausnir fyrirtækisins út fyrir eigendahópinn. Síðan þá hefur viðskiptavinum fjölgað ört.

Í mars 2007 var nafni fyrirtækisins breytt í Teris og sama mánuð fór starfsmannafjöldinn yfir 100. Í dag starfa um 100 manns hjá Teris.